बेळगाव-खानापूरसह सहा तालुक्यांमध्ये शाळांच्या सुटीत दोन दिवसांची वाढ

बेळगाव : संततधार पावसामुळे जिल्हा प्रशासनाने बेळगाव, खानापूरसह सहा तालुक्यांतील शाळांना आणखी दोन दिवस सुटी वाढवली आहे. बेळगाव, खानापूर, बैलहोंगल व कित्तूर या चार तालुक्यांत पदवीपूर्व कॉलेजनाही सुटी जाहीर करण्यात आली आहे. जिल्हाधिकारी मोहम्मद रोशन यांनी बुधवारी सायंकाळी यासंबंधी आदेश जारी केला आहे. बेळगाव, खानापूर, बैलहोंगल, कित्तूर, चिकोडी व निपाणी या सहा तालुक्यात अंगणवाडी, सर्व सरकारी अनुदानित व विनाअनुदानित प्राथमिक व माध्यमिक शाळांना सुटी असणार आहे. गुरुवार दि. 25 व शुक्रवार दि. 26 जुलै असे दोन दिवस सुटी घोषित करण्यात आली आहे. शिक्षण खात्याने दिलेल्या प्रस्तावावर जिल्हाधिकाऱ्यांनी शिक्कामोर्तब करून सहा तालुक्यात सुटी जाहीर केली आहे.