बेळगाव विमानतळावर चित्रप्रदर्शन

बेळगाव : देशात फाळणीमुळे उद्भवलेल्या विदारक परिस्थितीची आठवण करून देण्यासाठी बुधवारी बेळगाव विमानतळावर कार्यक्रमाचे आयोजन करण्यात आले होते. यावेळी फाळणीदरम्यान आलेले अनुभव कथन करण्यासाठी माजी सैनिक उपस्थित होते. निवृत्त कॅप्टन विलास जंगली, निवृत्त कॅप्टन नागाप्पा हंपीहोळी यांच्या उपस्थितीत हा कार्यक्रम पार पडला. फाळणीग्रस्त लोकांचे दु:ख दर्शविण्यासाठी छोट्याशा चित्रप्रदर्शनाचे आयोजन करण्यात आले होते. फाळणीदरम्यान मृत्यू पावलेल्या देशवासियांना मूकमोर्चा काढून श्रद्धांजली वाहण्यात आली. यावेळी विमानतळाचे संचालक त्यागराजन, पी. एस. देसाई यांच्यासह विमानतळ अधिकारी उपस्थित होते.