प्रतिनिधी / बेळगाव : कार पलटी झाल्याने माजी आमदार जखमी झाल्याची घटना अथणी नजीक घडली आहे. विजापूरहून चिक्कोडीकडे येत असताना मांजरी येथे माजी आमदार कलप्पाण्णा मगेन्नवर यांच्यासह 6 जणांना घेऊन जाणारी कार उलटली. ट्रकचा टायर फुटून टायर गाडीवर पडल्याने ही घटना घडली. या अपघातात कोणतीही जीवितहानी झाली नाही. मात्र, कारमधील प्रवासी जखमी झाले आहेत. पोलिसांनी घटनास्थळी पोहोचून तपास सुरू केला आहे.
