माजी क्रिकेटपटूंचा स्नेह मेळावा उत्साहात

बेळगाव : बेळगावातील 1980 व्या दशातील ज्येष्ठ व माजी क्रिकेटपटूंचा स्नेहमेळावा मोठ्या उत्साहात पार पडला. मुंबई, गोवा, हुबळी, बेंगळूर येथील वास्तव्यास असलेल्या बेळगावातील ज्येष्ठ क्रिकेटपटू एकत्रित येवून स्नेहमेळावा भरवून शान वाढविली. या मेळाव्यात दिलीप वरुटे, अजय भाटिया, लॉरेन्स पारस, महादेव कंग्राळकर, प्रमोद रेवणकर, संतोष चौगुले, संगम पाटील, केनेडी फ्लबर्ट, विश्वास पवार, राजू ओऊळकरसह आदींनी या मेळाव्यात सहभाग घेतला. प्रारंभी दिवंगत क्रिकेटपटूंना श्रद्धांजली वाहण्यात आली. माजी क्रिकेटपटूंनी महाविद्यालय, सी.के. नायडू, रणजी चषक क्रिकेट स्पर्धेत उत्तम कामगिरी केली होती. आपल्या महाविद्यालयीन कारकिर्दीमधील आठवणींना उजाळा दिला. 1980 च्या दशकात बेळगावनगरीचे नाव आपल्या क्रिकेट कामगिरीने उंचावले होते. जवळपास 40 वर्षांनी जमलेले हे सर्व क्रिकेटपटू एकमेकांना भेटून आनंदाने द्विगुणित झाले. सदर स्नेहमेळावा यशस्वी करण्यासाठी अजय भाटिया व लॉरेन्स पारस यांनी परिश्रम घेतले.