जिल्हा बॉडी बिल्डर्स असोसिएशनची स्थापना

बेळगाव : बेळगाव डिस्ट्रिक बॉडी बिल्डर्स असोसिएशन अॅण्ड स्पोर्ट्स संघटनेची नुकतीच नव्याने स्थापना करण्यात आली आहे. यावेळी प्रमुख पाहुणे म्हणून जय भारत फौंडेशनचे मालक बसनगौडा पाटील, कुदळे आयर्न वर्क्सचे मालक महेश कुदळे, ज्येष्ठ शरीरसौष्ठवपटू सुनील चौधरी, उद्योजक आर. एम. चौगुले, साऊथ मिस्टर इंडिया आणि के. आर. शेट्टी फौंडेशनचे संचालक प्रणय शेट्टी, बांधकाम व्यावसायिक व सेक्रेटरी राजेश लोहार, बेळगावश्री व बेळगाव कुमार किशोर गवस, भरत बाळेकुंद्री, समाजसेवक चेतन ताशिलदार, संघटनेचे अध्यक्ष महेश सातपुते, कार्याध्यक्ष अनिल आंब्रोळे, मराठा जागृती समितीचे संस्थापक गोपाळ बिर्जे, सुनील बोकडे, माजी उपमहापौर संजय शिंदे, बाबू पावशे, नारायण किटवाडकर, विजय चौगुले, किरण परब, नारायण चौगुले उपस्थित होते. पाहुण्यांच्या हस्ते दीपप्रज्वलन झाल्यानंतर श्री हनुमान पूजन, छ. शिवाजी महाराज यांच्या प्रतिमेचे पूजन झाले. पाहुण्यांचे स्वागत झाल्यानंतर परिचय करून देण्यात आला. नूतन संघटनेच्यावतीने मोठ्या प्रमाणात, तालुका, जिल्हा राज्य, राष्ट्रीय स्पर्धा भरविण्याचा मानस आहे. इंडिया बॉडी बिल्डर्स असोसिएशनच्या मान्यतेनुसार ही संघटना कार्य करणार आहे.