वेंगुर्ले (वार्ताहर)-
शिवसेना उध्दव बाळासाहेब ठाकरे पक्ष संघटना बळकट करण्याबरोबरच तळागाळातील जनतेशी थेट संपर्क साधून तेथील प्रश्न, समस्या जाणून घेऊन त्या सोडविण्याच्या दृष्टीने ‘कार्यकर्त्याशी संवाद दौरा २०२३ अंतर्गत पक्षाचे नेते तथा खासदार यांच्या मार्गदर्शनाखाली सिंधुदुर्ग जिल्हा शिवसेना प्रमुख संजय पडते, महिला जिल्हाप्रमुख उपनेत्या जान्हवी सावंत, जिल्हा समन्वयक बाळा गावडे, सावंतवाडी विधानसभा संपर्कप्रमुख शैलेश परब, तालुका प्रमुख यशवंत उर्फ बाळू परब, महिला तालुका संघटिका सुकन्या नरसुले, तालुका संपर्क प्रमुख भालचंद्र चिपकर, शहर प्रमुख अजित राऊळ, अल्पसंख्यांक उपजिल्हाप्रमुख कार्मिस आल्मेडा यांच्या प्रमुख उपस्थितीत काढलेल्या संवाद दौऱ्यास जनतेकडून व शिवसेना कार्यकर्त्यांकडून उत्स्फुर्त प्रतिसादात ठाकरे शिवसेनेने आशिर्वाद घेतले.
उभादांडा जिल्हा परिषद मतदार संघातील उभादांडा, परबवाडा, अणसूर, मोचेमाड, सागरतीर्थ, आसोली या गावांत शिवसेना उध्दव बाळासाहेब ठाकरे यांचा कार्यकर्त्यांशी संवाद दौरा मध्ये विभाग प्रमुख सुजित चमणकर, कांता घाटे, उन्मेशा पालव-कुडव, आणि पदाधिकाऱ्यांसहित शिवसैनिक व महिला मोठ्या संख्येने सहभागी झाल्या होत्या. या कार्यकत्यांशी संवाद दौऱ्यास जनतेकडून व शिवसेना कार्यकत्यांकडून उत्स्फुर्त प्रतिसादांत ठाकरे शिवसेनेने आशिर्वाद घेतले.
