वृत्तसंस्था/ मँचेस्टर ड्यूक
भारताविऊद्धच्या चौथ्या कसोटीसाठी इंग्लंड मँचेस्टरला जात असताना त्यांच्यासाठी एक प्रमुख चिंतेचा विषय सध्याच्या वेगवान गोलंदाजांचे अधिपत्य करणारा अष्टपैलू खेळाडू क्रिस वोक्सचा फॉर्म असेल. तो आपल्या देशातर्फे 400 आंतरराष्ट्रीय बळी पूर्ण करण्याच्या मार्गावर आहे.
इंग्लंडच्या बाजूने मालिका 2-1 ने झुकलेली असताना यजमान संघ शुभमन गिलच्या नेतृत्वाखालील तऊण भारतीय संघाला अशा ठिकाणी मालिका बरोबरीत आणण्यापासून रोखण्याचा प्रयत्न करेल जिथे त्यांना एकही कसोटी सामना जिंकता आलेला नाही. यासाठी वोक्सची सर्वोत्तम कामगिरी खूप गरजेची असेल. या मालिकेदरम्यान वोक्स त्याच्या सर्वोत्तम कामगिरीपासून खूप दूर राहिला आहे. त्याने तीन सामन्यांमध्ये 56.42 च्या सरासरीने सात बळी घेतले आहेत आणि त्यात सर्वोत्तम कामगिरी 84 धावांत 3 बळी ही राहिलेली आहे. त्याचा स्ट्राईक रेट 103 पेक्षा जास्त आहे.
तथापि, ओल्ड ट्रॅफर्डवर त्याची कामगिरी यापूर्वी अतिशय उत्तम राहिलेली आहे. त्याने फक्त सात कसोटी सामन्यांमध्ये 17.37 च्या सरासरीने 35 बळी घेतले असून स्ट्राईक रेट 35.8 असा राहिलेला आहे. आहे. त्यात सर्वोत्तम कामगिरी 50 धावांत 5 बळींची राहिली आहे. या मैदानावर त्याने दोन वेळा पाच बळी मिळविलेले आहेत.
गेल्या वर्षी ऑगस्टमध्ये वोक्सने ओल्ड ट्रॅफर्डवर श्रीलंकेविऊद्धच्या दोन्ही डावात प्रत्येकी तीन बळी घेतले. आंतरराष्ट्रीय क्रिकेटमध्ये 400 बळी मिळविणाऱ्यांच्या क्लबमध्ये प्रवेश करणारा इंग्लंडचा आठवा खेळाडू होण्यापासून वोक्स फक्त आठ बळी दूर आहे. सध्या त्याने 215 सामन्यांमध्ये 29.39 च्या सरासरीने 392 बळी घेतले आहेत. यामध्ये 17 धावांत 6 बळी ही त्याची सर्वोत्तम कामगिरी असून त्याने आठ वेळा पाच बळी आणि एकदा दहा बळी मिळविलेले आहेत.
