ऑनलाईन टीम / तरुण भारत :
दक्षिण काश्मीरमधील कुलगाम जिल्ह्यात दहशतवाद्यांसोबत झालेल्या चकमकीत लष्कराचे 3 जवान शहीद झाले. चकमक झालेल्या परिसरात दहशतवाद्यांच्या शोधासाठी मोहिम तीव्र करण्यात आली आहे. श्रीनगरस्थित लष्कराच्या चिनार कॉर्प्सने यासंदर्भात ट्विट केलं आहे.
कुलगाममधील हलानच्या जंगल परिसरात दहशतवादी असल्याची गुप्त माहिती लष्कराला मिळाली होती. शुक्रवारी सुरक्षा दलांनी या परिसराला घेराव घालत शोधमोहिम सुरू केली. शोधमोहिमेदरम्यान जंगलात लपून बसलेल्या दहशतवाद्यांनी जवानांवर गोळीबार केला. सुरक्षा दलांनीही या गोळीबाराला चोख प्रत्युत्तर दिले. मात्र, या चकमकीत लष्कराचे तीन जवान गंभीर जखमी झाले. त्यांना तात्काळ रुग्णालयात दाखल करण्यात आले. पण उपचारादरम्यान त्यांना वीरमरण आले.
Operation Halan #Kulgam
On specific inputs regarding presence of terrorists on higher reaches of Halan in Kulgam, operations launched by Security Forces on 04 Aug 23. In exchange of firing with terrorists, three personnel sustained injuries and later succumbed.
Search operations… pic.twitter.com/NJ3DZa2OpK— Chinar Corps🍁 – Indian Army (@ChinarcorpsIA) August 4, 2023
चकमक झालेल्या हलानच्या जंगल परिसरात लष्कराने अधिकच्या तुकडय़ा पाठवल्या असून, शोधमोहिम सुरू आहे.
