कामगार दिनाचे औचित्य साधून‘तरुण भारत’च्या कर्मचाऱ्यांचा सत्कार

बेळगाव : आंतरराष्ट्रीय कामगार दिनाचे औचित्य साधून ‘तरुण भारत’च्या बेळगाव कार्यालयामध्ये प्रिंटिंग विभाग तसेच हाऊसकिपिंग व स्टोअर असिस्टंट विभागात काम करणाऱ्या कर्मचाऱ्यांचा सत्कार करण्यात आला. कार्यक्रमाच्या अध्यक्षस्थानी ‘तरुण भारत’च्या कार्यकारी संचालक रोमा ठाकुर होत्या. यावेळी 39 कामगारांचा भेटवस्तु देऊन रोमा ठाकुर यांच्या हस्ते सत्कार करण्यात आला. विनोद काटकर यांनी सत्काराबद्दल कृतज्ञता व्यक्त केली. मनीषा सुभेदार यांनी प्रास्ताविक केले. प्रिंटिंग विभाग प्रमुख धैर्यशील पाटील यांनी कामगारांचा परिचय करून दिला. याप्रसंगी व्यवस्थापक गिरीधर रवि शंकर, संपादक विजय पाटील, सीएमओ उदय खाडीलकर व ‘तरुण भारत’ परिवारातील सदस्य उपस्थित होते.