बेळगाव प्रतिनिधी – सीमा भागामध्ये मराठी भाषिक मोठ्या संख्येने एकत्र राहतात, त्यामुळे कायद्यानुसार मराठीत परिपत्रके देणे बंधनकारक आहे. असे असताना कर्नाटक सरकार टाळाटाळ करत आहे. त्यामुळे मध्यवर्ती महाराष्ट्र एकीकरण समितीच्या नेतृत्वाखाली जिल्हाधिकारी कार्यालयासमोर ठिय्या आंदोलन छेडण्यात आले. भर पावसातील मोठ्या संख्येने महाराष्ट्र एकीकरण समितीचे कार्यकर्ते उपस्थित होते. बेळगाव शहर, खानापूर आणि तालुक्यातून मोठ्या संख्येने कार्यकर्ते उपस्थित होते. पावसामुळे काही कार्यकर्त्यांना येऊ नका असा सल्ला देण्यात आला. तरी देखील कार्यकर्ते मोठ्या संख्येने उपस्थित होते.
