बेळगाव – पेंशन घेण्यासाठी जात असलेल्या वृद्ध महिलेला कारने धडक दिल्याने जागीच ठार झाल्याची घटना कोप्पळ जिल्हातील कारटगी तालुक्यातील मैलापूर क्रॉस जवळ घडली आहे. कनकगिरीचे आमदार बसवराज दडेसगुरु यांच्या कारने दिलेल्या धडकेत मरियम्मा नायक (वय – ७०) यांचा मृत्यू झाला. कारने कुत्र्याला वाचविण्यासाठी जाऊन ही घटना घडल्याचे सांगण्यात येत आहे. अपघातनंतर वृद्ध महिलेला उपचारासाठी बळ्ळारीच्या विम्स इस्पितळात दाखल करण्यात आले. उपचारादरम्यान त्यांचे निधन झाले. कारटगी पोलीस स्थानकात या प्रकरणाची नोंद झाली आहे.
