बेळगाव : रेल्वेमार्गाची दुरुस्ती करण्यात आल्याने रविवारी सकाळपासून टिळकवाडी येथील दुसरे रेल्वेगेट वाहतुकीसाठी बंद ठेवले होते. रेल्वे रुळाच्या बाजूने असणारे पेव्हर्स काढून त्या ठिकाणी दुरुस्तीचे काम केले. त्यामुळे टिळकवाडीच्या एका बाजूने दुसऱ्या बाजूला जाणारी वाहतूक पहिल्या रेल्वेगेटमार्गे वळविण्यात आली होती. नैत्य रेल्वेकडून रविवारी सकाळी 9 ते सायंकाळी 5 या वेळेत रेल्वेगेट बंद ठेवले जाणार असल्याचे कळविले होते. त्यानुसार रविवारी सकाळपासून रेल्वे कर्मचाऱ्यांकडून दुरुस्ती कामाला सुरुवात करण्यात आली. रेल्वेगेट बंद असल्याने नागरिकांना पहिल्या रेल्वेगेटमार्गे प्रवास करावा लागला. साप्ताहिक सुटी असल्यामुळे पहिल्या रेल्वेगेट परिसरात वाहतूक कोंडीचा सामना वाहनचालकांना करावा लागला. रेल्वेरुळाच्या दुरुस्तीसोबतच विद्युतीकरणाच्या जोडणीचेही काम केले. नैर्त्रुत्य रेल्वेचे वरिष्ठ अधिकारी या कामावर लक्ष ठेवून होते. सायंकाळी उशिरापर्यंत दुरुस्तीचे काम सुरू ठेवण्यात आले होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
