हरियाणात व्यावसायिक, उद्योजकांवर ईडीचे छापे

हिसार : हरियाणाच्या हिसारमध्ये ईडीने व्यावसायिक वेदपाल तंवर आणि काँग्रेस नेते सुरेंद्र मलिक यांच्यासोबत अधिवक्ते वजीर कोहाड यांच्या निवासस्थानी छापा टाकला आहे. यातील काँग्रेस नेते सुरेंद्र मलिक यांचे यापूर्वीच निधन झाले आहे. ईडीच्या पथकाने छाप्यांच्या कारवाईदरम्यान संबंधितांच्या घरातून कुणालाच बाहेर पडण्याची अनुमती दिली नाही. संबंधित तिघेही जण भिवानी येथील खाण उद्योजकाशी संबंधित असल्याचे समजते. खाण घोटाळ्याप्रकरणी ही कारवाई करण्यात येत असल्याचे मानले जात आहे. ईडीच्या कारवाईदरम्यान वेदपाल तंवर यांच्या पत्नीने गेंधळ घातला आहे. यामुळे सुरक्षा कर्मचाऱ्यांनी त्यांना तेथून हलविले आहे.