आज घोषणा होण्याची शक्यता
नवी दिल्ली
आयओए अध्यक्ष पी टी उषा यांच्याशी वाद असलेले कार्यकारी परिषदेचे बहुसंख्य सदस्य रघुराम अय्यर यांच्या सीईओपदी नियुक्तीला मान्यता देतील, अशी अपेक्षा असल्याने भारतीय ऑलिम्पिक असोसिएशन (आयओए) अंतर्गत दीर्घकाळापासून सुरू असलेला कटू संघर्ष संपुष्टात येणार आहे. रघुराम अय्यर यांच्या नियुक्तीला सीईओ म्हणून मान्यता देण्याची अपेक्षा आहे.
जानेवारी 2024 मध्ये उषा यांनी केलेल्या नियुक्तीला ईसी सदस्यांनी मान्यता देण्यास नकार दिला होता, ज्याचा मुख्य मुद्दा सीईओंना 20 लाख रुपये प्रति महिना पगार आणि इतर भत्ते होते. सप्टेंबर 2024 मध्ये झालेल्या वादळी कार्यकारी परिषदेच्या बैठकीत, ज्यामध्ये आंतरराष्ट्रीय ऑलिम्पिक समिती (आयओसी) चा अधिकारी उपस्थित होते, ईसी सदस्यांनी अय्यर यांच्या नियुक्तीला मान्यता देण्यास सहमती दर्शविली आहे आणि ती गुरुवारी जाहीर होण्याची शक्यता आहे, असे या घडामोडींशी संबंधित एका सूत्राने वृत्तसंस्थेल सांगितले. गुरुवारी पत्रकार परिषद बोलावण्यात आली आहे, ज्यामध्ये उषा आणि बहुतेक ईसी सदस्य उपस्थित राहतील. आम्ही भारतीय खेळाच्या भल्यासाठी हे करत आहोत, विशेषत 2036 च्या ऑलिंम्पिक आयोजन करण्याची आम्हाला आशा आहे हे लक्षात घेता. सप्टेंबर 2024 पासून कार्यकारी परिषदेची कोणतीही बैठक झालेली नाही आणि मार्च 2023 पासून वार्षिक सर्वसाधारण सभा झालेली नाही. पी टी उषा यांच्या प्रमुखपदी निवडीनंतर, आयओएने घटनेनुसार अनिवार्य सीईओ नियुक्त करण्यासाठी बराच वेळ घेतला आहे असे सांगण्यात आले आहे. भारताने 2036 च्या ऑलिंम्पिक आयोजन करण्यासाठी औपचारिक स्वारस्य सादर केल्यानंतर दोन्ही बाजूंकडून होणारा वाद कमी झाला. गेल्या महिन्यात जागतिक संघटनेने जाहीर केलेल्या प्रक्रियेला विराम देऊन भारत सध्या आयओसीच्या भविष्यातील यजमान आयोगासोबत सतत संवाद प्रक्रियेत आहे.
