6 मिनिटांत खाल्ल्या 50 तिखट मिरच्या

एखादा व्यक्ती एकावेळी किती मिरच्या खाऊ शकतो? 2 किंवा 3, परंतु कॅनडातील माइक जॅकने जगातील सर्वात तिखट मिरची खाण्याचा विक्रम केला आहे. त्याने एक किंवा दोन नव्हे तर 6 मिनिटे 49 सेकंदांमध्ये 50 पॅरोलिना रीपर्स मिरच्या फस्त करत अनोखा विश्वविक्रम स्वत:च्या नावावर केला आहे. विश्वविक्रम नोंदविल्यावर न थांबता जॅकने आणखी 85 मिरच्या खाल्ल्या आहेत. म्हणजेच एकूण 135 मिरच्या खाण्याची कामगिरी त्याने केली आहे. त्याला यासंबंधीची प्रेरणा कुणाकडून मिळाली हे जाणून घेतल्यावर अधिकच दंग व्हायला होईल. जॅकने मागील 20 वर्षांमध्ये मसालेदार भोजन खाण्यासाठी सहनशीलता विकसित केली आहे. पहिल्यांदा त्याला अधिक तिखट वाटायचे, परंतु नंतर तो हा तिखटपणा सहन करण्यासाठी तो तयार होतो. परंतु तोंडापेक्षा अधिक समस्या पोटात निर्माण होते. पोटात मोठ्या प्रमाणात जळजळ होते.  पॅरोलिना रीपर मिरची खाण्यास सुरुवात केल्यावर पोटात जळजळ सुरू झाली. कुणीतरी आतड्या दाबतोय असे वाटत होते. मिरची खाणे थांबवावे असे वाटत होते, परंतु मला विश्वविक्रम करायचा होता असे जॅकने सांगितले आहे. मिरचीतील अॅसिड पातळ करण्यासाठी जॅक प्रचंड प्रमाणात पाणी पित असतो. मग नारळपाण्याचे सेवन करतो. यामुळे जळजळ कमी होते. जॅकला स्पीड ईटरचा मान देखील मिळाला आहे. मी एका बौद्ध भिक्षुमुळे प्रेरित होतो. या भिक्षूने स्वत:ला जाळून घेत आयुष्य संपविले होते, असे जॅकने सांगितले आहे. मिरची खाण्याच्या स्पर्धेत सामील होण्यापूर्वी मी प्रेरणादायी व्यक्तींची छायाचित्रे सोशल मीडियावर पोस्ट केली होती. यातील एक थिच क्वांग डुक यांचे होते, ते प्रतिष्ठित बौद्ध भिक्षू होते. त्यांनी जून 1963 मध्ये व्हिएतनाम सरकारकडून बौद्ध भिक्षूंच्या होत असलेल्या छळाच्या विरोधात स्वत:चे शरीर पेटवून दिले होते. साधूंच्या अविश्वसनीय कृत्यामुळे प्रेरित होतो, याच्या तुलनेत मसालेदार खाणे कमी आव्हानात्मक वाटू लागते असे जॅकचे सांगणे आहे.