न्हावेली / वार्ताहर
आता ई पीक पाहणी मोबाईल ॲपच्या सहाय्याने देखील होणार असून सर्व खातेदार शेतकऱ्यांनी तलाठ्याकडे न जाता स्वत : च्या मोबाईलवरून आपल्या ७/१२ वर विविध पिकांची नोंदणी करता येणे शक्य झाले आहे महसूल विभागाचा ई पीक पाहणी प्रकल्प १५ ॲागस्ट २०२१ पासून महाराष्ट्रात राज्यभर राबविण्यात येत आहे या ॲपमध्ये आतापर्यंत सुमारे १.८८ कोटीपेक्षा अधिक शेतकऱ्यानी रजिस्ट्रेशन केलेले आहे व आपल्या पिकांची नोंदणी केली आहे .
खरीब हंगाम २०२३ पीक पाहणी नोंदणीसाठी ई पीक पाहणीचे २.०.११ हे अपडेटेड व्हर्जन गुगल पे स्टोअरवर उपलब्ध करुन देण्यात आलेले आहे तरी सर्व खातेदार शेककऱ्यांनी नवीन व्हर्जन अपडेट करुन घेणे आवश्यक आहे खरीप हंगामाच्या प्रत्यक्ष ई पीक पाहणी मोबाईल ॲपद्वारे पीक पाहणी करण्यासाठी १ जुलै २०२३ पासून सुरु करण्यात येत आहे तरी राज्यातील सर्व शेतकरी बंधु भगिनीनी खरीब हंगाम २०२३ साठी दिलेल्या कालावधीमध्ये आपली ई पीक पाहणी नोंदणी पूर्ण करावी जेणेकरुन शासनाच्या विविध योजनांचा लाभ घेण्यास अडचण येणार नाही अशी माहिती सावंतवाडी तहसीलदार श्रीधर पाटील यांनी प्रसिध्दपत्रकाद्वारे दिली आहे .
