धामणेत दुर्गामाता आगमन सोहळा जल्लोषपूर्ण वातावरणात

धामणे : धामणे येथे नवरात्र उत्सवानिमित्त दुर्गामाता आगमन सोहळा उत्साहाने आणि जल्लोषी वातावरणात झाला. टिपऱ्या, टाळ, मृदंगाच्या गजरात जय दुर्गामातेच्या जय घोषात भव्य मिरवणुकीने गाव दुमदुमले. गावामध्ये चार दुर्गामाता मंडळे असून, सोमवार दि. 22 रोजी सायंकाळी 6 वाजता कलमेश्वर मंदिरपासून चारी दुर्गामाता मंडळाच्या दुर्गामूर्तींचे आगमन झाले.  बलभीम तरुण मंडळ, बसवाण गल्ली येथील दुर्गामातेचे पूजन वडगाव ग्रामीण पोलीस स्टेशनचे पोलीस अधिकारी सीपीआय नागनगौडा कट्टीमनीगौडर यांच्या हस्ते करण्यात आले. मिरवणुकीचे उद्घाटन कृष्णा आण्णाप्पा बाळेकुंद्री यांनी केले. याप्रसंगी प्रकाश बाळेकुंद्री, नितीन बाळेकुंद्री यांनी मान्यवरांचा पुष्पगुच्छ देवून सत्कार केला. विजय बाळेकुंद्री यांनी स्वागत केले. शिवाजी चौगुले यांनी आभार मानले. गावात रात्री उशिरापर्यंत दुर्गामाता आगमन सोहळा मिरवणूक सुरू होत्या.