अपघातांची मालिकेत तिघे जखमी
महाबळेश्वर प्रतिनिधी
तापोळा मुख्य रस्त्यावर चिखली शेड परिसरात मेटगुताड येथून तापोळाच्या दिशेने इलेक्ट्रिक साहित्य घेऊन निघालेल्या 407 टेम्पो एम एच 11 एजी 7745 चा ब्रेक फेल झाल्याने थेट दोनशे फूट दरीत कोसळला या अपघातात तीन युवक जखमी झाले असून हा अपघात रविवारी रात्री दहा वाजण्याच्या सुमारास घडला.
मेटगुताड येथून इलेक्ट्रिक साहित्य घेऊन रविवारी सायंकाळी टेम्पो तापोळाच्या दिशेने निघाला होता चिखली शेड परिसरातील वळणावर टेम्पोचा ब्रेक फेल झाल्याने हा टेम्पो थेट दोनशे फूट दरीत कोसळला झाड व चिमटीमध्ये अडकला या टेम्पोमध्ये तीन युवक होते रात्रीच्या अंधारात या मधील एक युवक झाड,फांद्यांच्या आधाराने मुख्य रस्त्यावर आला या अपघाताची माहिती त्याने रस्त्याने जाणाया लोकांना दिली या अपघाताची माहिती मिळताच चिखलीचे शिवसेनेचे संतोष जाधव व सहकारी तसेच सहयाद्री ट्रेकर्सचे किरण चव्हाण संजय पार्टे सर व दीपक जाधव यांनी अंधारात अपघातातील जखमींना बाहेर काढले व 108 रुग्णवाहिका तसेच संतोष जाधव यांच्या खासगी गाडीने ग्रामीण रुग्णालयात आणले श्रीकांत गणपत बावळेकर वय 24 विजय बजरंग मोरे वय 25 व सुरज यशवंत घाडगे वय 26 अशी जखमींची नावे आहे या अपघातात एका युवकाचा पाय प्रॅक्चर झाला आहे तर एकाला किरकोळ दुखापद झाली असून एकाच्या डोक्याला व हाताला मार लागला आहे ग्रामीण रुग्णालयात प्राथमिक उपचारानंतर अधिक उपचारांसाठी दोघांना त्यांना वाई येथील रुग्णालयात दाखल करण्यात आले आहे.
