म्हापसा : चावडीवाडा, मार्ना-शिवोली येथे एका व्हिलावर हणजूण पोलिसांनी छापा टाकून केटामाईन व चरस मिळून एकूण 25 लाख 10 हजारांचा ड्रग्ज जप्त केला. या कारवाईत संशयित जयराजसिंग चावडा (33, गुजरात) याला अटक करण्यात आली आहे. विश्वसनीय सूत्रांनी दिलेल्या माहितीच्या आधारे पोलिसांनी सोमवारी सायंकाळी चावडीवाड्यावरील व्हिलावर छापा टाकला. यावेळी व्हिलामध्ये 4.750 लिटर वजनाच्या 475 केटामाईनच्या छोट्या बाटल्या सापडल्या. याची किंमत आंतरराष्ट्रीय बाजारात 23 लाख 75 हजार इतकी होते. याशिवाय 200 ग्रॅम वजनाचा चरस सापडला. याची किंमत 1 लाख 35 हजार इतकी होते. हा ड्रग्ज पोलिसांनी जप्त केला असून अमली पदार्थ प्रतिबंधक कायद्याखाली गुन्हा नोंदवून संशयितास अटक केली आहे. पोलीस निरीक्षक प्रशल नाईक देसाई यांच्या मार्गदर्शनाखाली उपनिरीक्षक स्नेहा सावळ, साहील वारंग, कॉन्स्टेबल रामदास हरमलकर, अर्जुन सावंत व सखाराम साळगावकर या पथकाने ही कामगिरी केली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
