वार्ताहर /गुंजी
गुंजीनजीक एक टायरवाहू अवजड कंटेनर (क्र. आरजे 14 जीएल 0621) उलटून झालेल्या अपघातात चालक किरकोळ जखमी झाला. सदर घटना बुधवारी सकाळी घडली. बेळगाव-गोवा रस्त्यावर गुंजीनजीक समोरून ओव्हरटेक करून येणाऱ्या माऊती व्हॅनला चुकविण्याच्या नादात कंटेनर चालकाचा ताबा सुटल्याने रस्त्याच्या कडेला असलेल्या विद्युत खांबाला धडक बसून कंटेनर ख•dयात पलटी झाला. त्यामुळे कंटेनरचे प्रचंड नुकसान झाले आहे. त्याचबरोबर विद्युत खांबाला ठोकर बसल्याने विद्युत खांबही तुटून पडला. मात्र, विद्युत वाहिन्यांचा गाडीला स्पर्श न झाल्याने मोठा अनर्थ टळला.
