बेळगाव : बेळगाव उत्तरचे भाजप उमेदवार डॉ. रवी पाटील यांनी सोमवारी सदाशिवनगर, शाहूनगर भागात प्रचार केला. नागरिकांच्या घरोघरी जाऊन भाजपला मतदान करण्याचे आवाहन त्यांनी केले. विविध संघटना, महिला मंडळांनी त्यांना आपला पाठिंबा दिला. सदाशिवनगर मारुती मंदिरपासून प्रचाराला सुरुवात झाली. हरिद्रा गणेश मंदिर, शिवालय, बेलदार छावणी, शाहूनगर, अन्नपूर्णावाडी येथील नागरिकांच्या समस्या निवारण्याचे आश्वासन त्यांनी दिले. वैद्यकीय क्षेत्रात मोठे कार्य केले असून यापुढेही आपण नागरिकांच्या सेवेत राहू, असे सांगितले. ताशिलदार गल्लीत प्रचार करण्यात आला. आंबेडकरनगर येथे त्यांचे महिलांनी औक्षण करत स्वागत केले. भाजप हा विकासात्मक राजकारण करणारा पक्ष असून देशाच्या भरीव योगदानासाठी पक्ष बळकट होणे गरजेचे आहे. राज्यात तसेच देशात भाजपचे सरकार असेल तरच देशाची शक्ती वाढेल, असे मत डॉ.पाटील यांनी व्यक्त करत विजयी करण्याचे आवाहन केले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
