बेळगाव : येथील मराठा मंडळाच्या नाथाजीराव हलगेकर इन्स्टिट्युट ऑफ डेंटल सायन्स अॅण्ड रिसर्च सेंटरचे प्राचार्य डॉ. रमाकांत नायक यांना जीवनगौरव पुरस्कार लाभला आहे. कोडाईकनल येथील इंडियन असोसिएशन ऑफ ओरल अॅण्ड मॅक्सिलोफेशियल पॅथॉलॉजिस्टच्या (आयएओएमपी) 31 व्या राष्ट्रीय परिषदेत जीवनगौरव पुरस्कार प्रदान करण्यात आला. डॉ. नायक हे मराठा मंडळ संस्थेत गेल्या दोन दशकापासून कार्यरत असून आयएओएमपी व मौखिक आरोग्य क्षेत्रात विशेषत: पॅथॉलॉजीमध्ये भरीव योगदान दिले आहे. या कार्यातून त्यांनी देशभरात पॅथॉलॉजी विभागात अनेकांना मार्गदर्शन केले आहे. मराठा मंडळाच्या हलगेकर डेंटल इन्स्टिट्युटमध्ये डेंटल सायन्सचे आधुनिकीकरण क्षेत्रात त्यांचे भरीव कार्य आहे. देशातील ओरल व मॅक्सिलोफेशियल पॅथॉलॉजी क्षेत्रात प्रगती करण्यासाठीही ते प्रयत्नशील आहेत. डॉ. नायक यांना जीवनगौरव पुरस्कार मिळाल्याबद्दल संस्थेने त्यांचे अभिनंदन केले आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
