युवा समितीकडून डॉ. बाबासाहेब आंबेडकर जयंती साजरी

बेळगाव : महाराष्ट्र एकीकरण युवा समितीच्यावतीने टिळकवाडी येथील कार्यालयात भारतरत्न डॉ. बाबासाहेब आंबेडकर यांची जयंती साजरी करण्यात आली. युवा समितीचे अध्यक्ष अंकुश केसरकर यांनी डॉ. बाबासाहेब आंबेडकरांच्या प्रतिमेचे पूजन केले. डॉ. बाबासाहेब आंबेडकर यांनी लिहिलेल्या संविधानाच्या आधारे आमचा लढा सुरू असून, लोकशाहीचा निश्चित विजय होईल, असे त्यांनी सांगितले. युवा नेते शुभम शेळके यांनी संयुक्त महाराष्ट्र झालाच पाहिजे, अशी भूमिका मांडली. यावेळी उपाध्यक्ष वासू सामजी, सिद्धार्थ चौगुले, खजिनदार विनायक कावळे, इंद्रजित धामणेकर, सागर कणबरकर, प्रतीक पाटील, संभाजी शिंदे, दिनेश मोरे, आनंद पाटील, हेमंत पाटील, श्रीकांत कदम यांसह इतर उपस्थित होते.