बेळगाव : हुबळी येथे नारायण पेटकर बॅडमिंटन अकदामी आयोजित कर्नाटक राज्यस्तरीय शट्ल बॅडमिंटन स्पर्धेत तनिष्का कोरीशेट्टीने 15 व 17 वर्षाखालील मुलींच्या गटात एकेरी व दुहेरीत विजेतेपद पटकावित दुहेरी मुकुट पटकाविला. राज्यस्तरीय बॅडमिंटन स्पर्धेत तनिष्काने 15 वर्षाखालील गटात दुहेरीत विजेतेपद पटकाविले. 15 वर्षाखालील एकेरीत तनिष्काने श्रावणीचा 21-15, 21-19 अशा गुणफरकाने पराभव केला. तर 17 वर्षाखालील गटात अंतिम सामन्यात तनिष्काने अर्पितचा 15-8, 15-10 असा पराभव करून विजेतेपद पटकाविले. या स्पर्धेत श्रावणी मायगोर हिला 15 वर्षाखालील गटात उपविजेतेपदावर समाधान मानावे लागले. मुलांच्या गटात हर्दिन असुंडी 11 वर्षाखालील गटात अंतिम फेरीत बेंगळूरच्या अव्वल मानांकित रवीराजकडून पराभव पत्करावा लागला. तर 13 वर्षाखालील गटात उपांत्यफेरीत धडक मारली. ओम यलीगारने व अॅलेक्ससिंग या जोडीने अंतिम सामन्यात तुषार व पार्थ या जोडीचा 15-14, 12-15 15-10 अशा गुण फरकाने पराभव करून विजेतेपद पटकाविले. या सर्व बॅडमिंटनपटूंना एनआयएस बॅडमिंटन प्रशिक्षक भुषण अणवेकर, संघटनेचे सचिव अशोक पाटील यांचे मार्गदर्शन लाभत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
