बेळगाव : रिअल इस्टेट व्यावसायिक संतोष पद्मण्णवर खून प्रकरणी माळमारुती पोलिसांनी एका डॉक्टराला अटक केली आहे. पोलीस उपायुक्त रोहन जगदीश यांनी बुधवारी रात्री ही माहिती दिली आहे. याप्रकरणी आतापर्यंत अटक करण्यात आलेल्यांची संख्या पाचवर पोहोचली आहे. डॉ. प्रशांत शिवानंद (वय 38) असे त्याचे नाव आहे. संतोषला संपविण्यासाठी ज्या औषधी गोळ्यांचा वापर करण्यात आला, त्या गोळ्या सूचविण्याचे काम या डॉक्टरांनी केल्याचा ठपका ठेवण्यात आला आहे. माळमारुतीचे पोलीस निरीक्षक जे. एम. कालीमिर्ची व त्यांच्या सहकाऱ्यांनी ही कारवाई केली आहे. संतोष पद्मण्णवर (वय 46) या व्यावसायिकाचा 9 ऑक्टोबर 2024 रोजी खून झाला होता. सुरुवातीला नैसर्गिक मृत्यू भासविण्यात आला होता. खून झाल्याचे उघडकीस येताचा 16 ऑक्टोबर रोजी दफन केलेला मृतदेह उकरून काढण्यात आला. याप्रकरणी संतोषच्या पत्नीसह चौघा जणांना अटक करण्यात आली होती. आता औषधी गोळ्या व इंजेक्शन सूचविणाऱ्या डॉक्टरवरही कारवाई झाली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
