लायन्स क्लब स्पर्धेत ज्ञानप्रबोधन मंदिरचे यश

बेळगाव : लायन्स क्लब ऑफ बेळगावच्यावतीने स्वातंत्र्यदिनाचे औचित्य साधून देशभक्तीपर गीत गायन स्पर्धेचे आयोजन करण्यात आले होते. कॅम्प येथील बी. के. मॉडेल शाळेच्या सभागृहात झालेल्या या स्पर्धेत 16 शाळांनी सहभाग घेतला होता. यामध्ये ज्ञानप्रबोधन मंदिरने प्रथम क्रमांक पटकाविला.क्लबचे दिवंगत सदस्य गोविंदराव फडके यांच्या स्मृतिप्रित्यर्थ स्पर्धा आयोजित करण्यात आली होती. यानंतर या स्पर्धेला यांचे नाव दिले जाणार आहे. माजी अध्यक्ष श्रीनिवास शिवणगी यांनी गोविंदराव फडके यांच्याविषयी माहिती दिली. अध्यक्ष गीता कित्तूर यांनी उपस्थितांचे स्वागत केले. लायन्सचे उपप्रांतपाल राजशेखर हिरेमठ यांनी प्रमाणपत्रे व बक्षिसे प्रदान केली. स्वाती फडके यांनी परीक्षक रोहिणी कुलकर्णी व अॅड. रविंद्र माने यांचे स्वागत केले. सेक्रेटरी रविंद्र काकती यांनी आभार मानले. या स्पर्धेमध्ये ज्ञानप्रबोधन मंदिर शाळेने प्रथम क्रमांक पटकाविला. सेंट पॉल्स हायस्कूलने द्वितीय, भरतेश इंग्लिश मीडियम स्कूल तृतीय तर मराठी विद्यानिकेतन व लिटल स्कॉलर स्कूलनी उत्तेजनार्थ पारितोषिक पटकाविले. यावेळी लायन्सचे भारती वडवी, उदय वडवी, शीतल बोगार, सतीश बाळेपुंद्री, दया शहापूरकर, श्रीधर उप्पीन यासह इतर उपस्थित होते. इस्कॉनवतीने विद्यार्थ्यांना अल्पोपाहार तर मलायलूम मनोरमातर्फे पुस्तकांचे वाटप करण्यात आले.