माशेल शाळेतील विद्यार्थ्यांना गणवेश वाटप

कुंभारजुवे : तिवरे वरगाव ग्राम पंचायती तर्फे  सरकारी प्राथमिक विद्यालय  माशेल  शाळेतील सर्व 120 विद्यार्थ्यांना प्रमुख पाहुणे कला आणि संस्कृती मंत्री गोविंद गावडे यांच्या हस्ते नुकतेच गणवेश वाटप करण्यात आले. याप्रसंगी झालेल्या कार्यक्रमात गोवा राज्याचे कला संस्कृती आणि क्रीडा मंत्री  गोविंद गावडे प्रमुख पाहुणे म्हणून तर  अध्यक्षस्थानी  श्री जयेश नाईक सरपंच तीवरे वरगाव ग्राम पंचायत आदी मान्यवर उपस्थित होते. मुलांना उद्देशून केलेल्या भाषणात श्री गोविंद गावडे यांनी मुलांना पुस्तकी   ज्ञाना बरोबरच  इतरही ज्ञान आत्मसात करावे जेणे करून मुलांचा चौफेर विकास होईल.   ख्रया अर्थाने विद्यार्थ्यांचे जे काही स्वप्नं,इच्छा, आकांक्षा असतील ते पूर्ण करण्यासाठी आत्तापासूनच तयारी करावी असे सांगितले. पालक शिक्षक संघातर्फे शाळेच्या नवीन इमारतीचा प्रस्ताव सादर करण्यात आला होता त्याच्यावर कारवाई चालू असून  लवकरात नवीन इमारतीचे काम हाती घेण्यात असे आश्वासन कला आणि संस्कृती मंत्री गोविंद गावडे यांनी उपस्थित पालकांना दिले. कार्यक्रमाला तिवरे वरगावचे सरपंच श्री जयेश नाईक, उपसरपंच सौ सुमित्रा नाईक, पंच श्री यशवंत जल्मी , सौ. प्राजक्ता आमोणकर , शिल्पा वेरेकर, संजीव कुंडईकर, एकनाथ परब , सचिव मयूर कुडाळकर,   पालक शिक्षक संघाचे अध्यक्ष श्री  सागर गुरव ,  मुख्याध्यापिका सौ मंदा भगत,  शिक्षक अनुजा नाईक, ज्ञानदा पार्सेकर , हनुमंत गोवेकर, प्रीती कामत , श्वेता घाडी, अंजू   कवळेकर , तसेच पालक शिक्षक संघाचे पदाधिकारी  सोनिया भट,  गजानन गावकर, दिपश्री प्रभू, सुरेखा गावडे उपस्थित होते. सूत्र संचालन शिक्षिका  सौ अनुजा नाईक यांनी केले तर आभार सौ  मंदा भगत यांनी मानले.