लोककल्प फौंडेशनतर्फे कणकुंबी येथे विद्यार्थ्यांना स्वेटर वितरण

बेळगाव : लोककल्प फौंडेशनने कणकुंबी प्राथमिक शाळेतील 200 हून अधिक विद्यार्थ्यांना स्वेटर्सचे वितरण केले. शाळेने केलेल्या विनंतीची दखल घेऊन फौंडेशनने हे स्वेटर दिले आहेत. सध्या थंडीचे दिवस सुरू झाले आहेत. या शाळेत प्रामुख्याने रोजंदारीवर काम करणाऱ्या श्रमिकांची मुले आहेत. त्यांचे थंडीपासून संरक्षण व्हावे यासाठी लोककल्प फौंडेशनने हे स्वेटर दिले आहेत. याबद्दल शाळेतील पाचव्या इयत्तेतील शिवानी हिने फौंडेशनचे आभार मानले. फौंडेशनने वेळेवर मदत केल्याने मुख्याध्यापक साजीद मुल्ला यांनी कृतज्ञता व्यक्त केली.