बेळगाव : गरीब कुटुंबातील विद्यार्थ्यांना शालोपयोगी साहित्य वितरण कार्यक्रम कोनवाळ गल्ली येथील सुणगार हॉलमध्ये सोमवारी झाला. प्रमुख पाहुणे म्हणून माजी आमदार अनिल बेनके, भाजप नेते अॅड. एम. बी. जिरली, रमेश देशपांडे उपस्थित होते. अॅड. जिरली यांनी आपल्या भाषणात विद्यार्थी व पालकांना मार्गदर्शन केले. मुलांना शिक्षण देण्याबरोबरच त्यांच्यावर चांगले संस्कार व्हावेत. मुलींनी बांगड्या, पुंकू लावून शाळेला गेले पाहिजे, असे सांगितले. त्यानंतर माजी आमदार बेनके व रमेश देशपांडे यांनीही मार्गदर्शन केले. पाहुण्यांच्या हस्ते विद्यार्थ्यांना पुस्तके, वह्या, कंपासपेटी, टिफीन बॅग, पाण्याची बाटली यासारख्या साहित्याचे वितरण करण्यात आले. नगरसेवक जयतीर्थ सवदत्ती यांनी स्वागत करून पाहुण्यांचा परिचय करून दिला. विद्यार्थ्यांना शालोपयोगी साहित्य देण्यासाठी मदत केलेल्या भाग्या अंबेकर, संतोष व्ही., नागेश नायक, भरत सुनील कटारिया, मोहन भट, आशिष यांसह पालक कार्यक्रमाला उपस्थित होते. कार्यक्रम यशस्वी करण्यासाठी शिल्पा केकरे व संजय पाटील यांनी परिश्रम घेतले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
