लोककल्पतर्फे शाळांना साहित्याचे वितरण

बेळगाव : लोकमान्य मल्टिपर्पज को-ऑप. सोसायटीचे संस्थापक अध्यक्ष किरण ठाकुर यांच्या मार्गदर्शनाखाली लोककल्प फौंडेशनच्यावतीने 32 गावांमध्ये शैक्षणिक सुविधा पुरविल्या जात आहेत. दुर्गम भागातील सरकारी शाळांना वॉटर फिल्टर, ग्रीन मॅगॅटिक बोर्ड, कॅरम बोर्ड, बुद्धिबळ पट वितरित केले आहे. बैलूरमध्ये दोन मॅगॅटिक बोर्ड, चिगुळे येथे एक मॅगॅटिक बोर्ड, माण येथे एक ग्रीन मॅगॅटिक बोर्ड, कालमणी येथे एक ग्रीन मॅगॅटिक बोर्ड व वॉटर फिल्टर (32 लीटर), बेटणे येथे एक ग्रीन मॅगॅटिक बोर्ड, हबनहट्टी येथे ग्रीन मॅगॅटिक बोर्ड व पारवाड येथील शाळेला दोन मोठे कॅरम बोर्ड व बुद्धिबळ पट देणगी स्वरुपात देण्यात आले. दुर्गम भागातील सरकारी शाळांमधील विद्यार्थ्यांना गुणवत्तापूर्ण शिक्षण मिळावे यासाठी लोककल्प फौंडेशनच्यावतीने प्रयत्न सुरू आहेत. याचाच एक भाग म्हणून शाळांना शैक्षणिक व खेळाचे साहित्य वितरित करण्यात आले. या सर्व गावांतील नागरिकांनी लोकमान्य सोसायटी व किरण ठाकुर यांचे आभार मानले.