खानापूर तालुक्यातील नऊ तलाठ्यांना लॅपटॉपचे वितरण

खानापूर : तालुक्यातील 9 तलाठ्यांना सोमवारी तहसीलदार कार्यालयात लॅपटॉपचे आमदार विठ्ठल हलगेकर यांच्या हस्ते वितरण करण्यात आले. यावेळी तहसीलदार दुंडाप्पा कोमार, तहसीलदार कार्यालयातील कर्मचारी आणि तलाठी उपस्थित होते. गेल्या काही महिन्यापूर्वी राज्यातील तलाठ्यांनी प्रशासकीय सेवा सुरळीत पार पाडावी, यासाठी तलाठ्यांना लॅपटॉपची सुविधा पुरविण्यात यावी, यासाठी आंदोलन केले होते. याची दखल घेऊन आमदार फंडातून लॅपटॉप वितरणासाठी 10 लाखाचा निधी मंजूर करण्यात आला होता. त्या निधीतून टप्प्याटप्प्याने तलाठ्यांना लॅपटॉपचे वितरण करण्यात येत आहे. दुसऱ्या टप्प्यातील नऊ तलाठ्यांना लॅपटॉपचे वितरण सोमवारी तहसीलदार कार्यालयात करण्यात आले. या लॅपटॉपद्वारे शेतकऱ्यांना वेगवेगळ्या शासकीय योजनांची आणि सुविधांची माहिती देण्यात येणार आहे. तसेच शासकीय 21 अॅपद्वारे सुविधा पुरविण्यात येणार आहे. त्यामुळे शेतकऱ्यांच्या अडीअडचणी तातडीने दूर होणार आहेत. यावेळी कर्मचारी करण देसाई, सादीक पाचापुरे, गुरुराज, इशा कवठणकर, राजू नाईक, दीपक कवठणकर, भिमाप्पा बोगूर उपस्थित होते.