येळ्ळूर येथील काही कुटुंबांना बीपीएल कार्डचे वितरण

येळ्ळूर : येळ्ळूर येथील गरीब जनतेला बीपीएल कार्ड नसल्यामुळे समस्या निर्माण झाली होती. याची दखल ग्राम पंचायत सदस्य रमेश मेणसे यांनी घेतली. त्यानंतर त्यांनी अधिकाऱ्यांकडे पाठपुरावा करून लक्ष्मी गल्ली परिसरातील गरीब कुटुंबांना बीपीएल कार्ड मिळवून दिले आहे. त्याचे वितरण करण्यात आले आहे. बीपीएल कार्डपासून अनेक जण वंचित होते. गरीब असूनही बीपीएल कार्ड मिळाले नव्हते. बीपीएल कार्ड आवश्यक असल्याने ते मिळविण्यासाठी धडपड सुरू होती. त्यामुळे रमेश मेणसे यांनी काही जणांना हे कार्ड मिळवून दिले आहे. य् ाावेळी ग्राम पंचायत सदस्य जोतिबा चौगुले, राकेश परीट यांच्या उपस्थितीत कार्डचे वितरण करण्यात आले आहे.