‘जीबीएस’चा पार्श्वभूमीवर पाण्याचे निर्जंतुकीकरण करा

कोल्हापूर : 

राज्यातील गुइलेन बॅरे सिंड्रोम (जी.बी.एस ) विषाणूंचा तसेच अन्य साथीच्या रोगांचा वाढता प्रादुर्भाव रोखण्यासाठी पाण्याचे निर्जंतुकीकरण करून ग्रामपंचायत स्तरावर पिण्याच्या पाण्याचा स्रोतांची तसेच शाळा, अंगणवाडी, घरे आदी ठिकाणच्या पाणी नमुन्यांची गावातील प्रशिक्षित महिला, स्वयंसेवकामार्फत महिन्यातून एकदा जैविक क्षेत्रीय तपासणी संचाद्वारे तपासणी करावी असे निर्देश जिल्हा परिषदेचे सीईओ कार्तिकेयन एस. यांनी दिले.

ग्रामपंचायतीमधील शाळा, अंगणवाडीमधील व घरगुती नळ कनेक्शनचे पाणी नमुने ग्रामपंचायतींना वितरीत करण्यात आलेल्या क्षेत्रीय तपासणी संचचा वापर करून पाण्याची जैविक तपासणी करण्यात यावी. दुषित आलेल्या स्त्राsतांचे तात्काळ निर्जंतुकीकरण करून पाणी नमुने फ़ेर तपासणीसाठी सबंधित प्रयोगशाळेत पाठवावेत. गावातील सर्व सार्वजनिक पिण्याच्या पाण्याच्या स्त्राsतांचे, तसेच पिण्यासाठी वापरात असलेल्या अन्य स्त्राsतांची वर्षातून दोन वेळा प्रयोगशाळेद्वारे जैविक तपासणी करावी. दुषित असलेल्या स्त्राsतांचे तात्काळ निर्जंतुकीकरण करावे. गावातील सर्व सार्वजनिक पिण्याच्या योजनांमधील पाणी गळतीमुळे व पिण्याच्या पाण्यासाठी वापरात येणाऱ्या इतर स्त्राsताभोवतालच्या गळतीमुळे जैविकदृष्ट्या बाधित होणार नाही यासाठी पाणी गळती रोखण्याबाबत उपाय योजना करून निर्जंतुकीकरण केल्याची खात्री करून पाणी तपासणी करावी व शुध्द पाणी पुरवठा होईल याची खात्री करावी. पिण्याच्या पाण्यासाठी वापरात नसलेले व कायमस्वरूपी बंद असलेल्या स्त्रोतावर अनुक्रमे ‘पिण्यास वापरात नसणारा स्त्रोत व ‘कायमस्वरूपी बंद ’ असा संदेश स्त्राsतावर ऑइल पेंटद्वारे फ़लकावर दर्शविण्यात यावा अशा सूचना सीईओंनी दिल्या.

• जीबीएससह अन्य साथरोगांबाबत जनजागृती करा

गावातील सर्व पाणी स्त्राsतांमधील पाण्याचे निर्जंतुकीकरण, पिण्याच्या पाण्याची तपासणी, स्त्राsतांचे सरंक्षण, पाणी पुरवठा योजनांमधील गळतीबाबत सर्व स्तरावर शुध्द पाणी पिण्याबाबत व जीबीएस रोगामुळे होणाऱ्या प्रादुर्भावाची लक्षणे व उपाय योजनाबाबत जनजागृती करण्यात यावी अशा सूचना सीईओ कार्तिकेयन एस यांनी ग्रामपंचायतींना दिल्या. जीबीएस व अन्य साथ रोगाचा प्रादुर्भाव टाळण्यासाठी पाणीपुरवठा स्वच्छता विभाग, आरोग्य विभाग, ग्रामपंचायत विभाग यांनी समन्वयाने यावर कार्यवाही करण्याच्या सूचनाही त्यांनी दिल्या आहेत.

• पंचायत समिती व ग्रामपंचायतींनी योग्य कार्यवाही करावी

‘जीबीएस’चा प्रादुर्भाव रोखण्यासाठी सीईओ कार्तिकेयन एस यांच्या निर्देशानुसार पंचायत समिती आणि ग्रामपंचायतींनी योग्य ती कार्यवाही करावी अशा सूचना प्रकल्प संचालक तथा उपमुख्य कार्यकारी अधिकारी पाणी पुरवठा व स्वच्छता विभाग माधुरी परीट यांनी पत्राद्वारे निर्देश दिले आहेत.