बेळगाव : उडपी येथे कर्नाटक राज्य संघटनेच्या वतीने आयोजित केलेल्या जलतरण स्पर्धेत व बेंगलोर येथील डायव्हिंग स्पर्धेत आबा व हिंद स्पोर्ट्स क्लबच्या जलतरणपटूंनी उत्कृष्ट कामगिरी करताना 4 सुवर्ण, 7 रौप्य, 4 कास्य अशी एकूण 15 पदकांची कमाई करीत घवघवीत यश संपादन केले आहे. उडपी घेण्यात आलेल्या या स्पर्धेत प्रथमच घेण्यात आलेल्या स्किल अवॉर्ड टेस्ट मध्ये प्रथम क्रमांक मिळवण्याचा बहुमान बेळगावच्या दिशा हुंडी हिने मिळविला अशी कामगिरी करणारी दिशा ही बेळगावची पहिली जलतरणपटू ठरली .सविस्तर निकाल पुढील प्रमाणे – वेदा खानोलकर हिने मुलींच्या गट क्रमांक 2 मध्ये 50 मी. व 100 मीटर बॅकस्ट्रोक मध्ये 2 रौप्य पदके तसेच 100 मी. बटरफ्लॉय मध्ये एक कास्य पदक पटकाविले. दिशा होंडी मुलींच्या गट क्रमांक तीन मध्ये 50 मी. फ्रीस्टाइल मध्ये सुवर्ण, 200 मी. आय एम रौप्य तर 100 मी. फ्रीस्टाइल कास्यपदक पटकाविले. श्लोक जाधव याने मुलांच्या गट क्रमांक तीन मध्ये 50 मीटर बॅकस्ट्रोक प्रकारात सुवर्णपदक पटकाविले.
डायव्हिंग प्रकारात मयुरेश जाधवने गट क्रमांक एक मध्ये एक व तीन मीटर स्प्रिंग बोर्ड ड्रायव्हिंग मध्ये रौप्य पदक संपादन केले. अर्णव कुलकर्णी गट क्रमांक दोन मध्ये एक मी. स्प्रिंगबोर्ड सुवर्ण, 3 मी. रौप्य पदक पटकाविले. युवराज मोहनगेकरने गट क्रमांक तीन मध्ये 1 मी. स्प्रिंगबोर्ड मध्ये सुवर्ण तर 3 मी. स्प्रिंगबोर्ड मध्ये रौप्य पदक संपादन केले. नील मोहिते गट क्रमांक 3 मध्ये 1 व 3 मी. स्प्रिंगबोर्ड डायव्हिंग मध्ये कांस्यपदक पटकाविले. वरील सर्व जलतरण पटूंची दि. 27 ते 29 डिसेंबर रोजी बेंगलोर येथे होणाऱ्या साउथझोन राष्ट्रीय जलतरण स्पर्धेसाठी कर्नाटक राज्य संघात अभिनंदनीय निवड झाली आहे .वरील सर्व जलतरणपटूंना आबा व हिंदी क्लबचे एनआयएस जलतरण प्रशिक्षक विश्वास पवार, अमित जाधव, शिवराज मोहिते, संदीप मोहिते, रणजीत पाटील, मारुती घाडी यांचे बहुमोल मार्गदर्शन तर आबा क्लबचे चेअरमन अॅङ मोहन सप्रे अध्यक्ष शितल हुलबत्ते, हिंद क्लबचे अध्यक्ष अरविंद संगोळी, शुभांगी मंगळूरकर व सतीश धनुचे यांचे प्रोत्साहन लाभते.
