बेळगाव : शहरातील वॉर्ड क्रमांक 18 मधील नागरिकांना पाणी तसेच इतर समस्या भेडसावत आहेत. याबाबत अधिकारी व नागरिकांच्या उपस्थितीत चर्चा करण्यात आली आहे. महानगरपालिकेतील विरोधी गटनेते मुज्जमील डोणी आणि नगरसेवक शहीदखान पठाण यांनी समस्या सोडविण्यासाठी बैठक घेतली होती. यावेळी नागरिकांनी विविध समस्या मांडल्या. त्या समस्या सोडविण्याबाबत अधिकाऱ्यांना सूचना करण्यात आल्या. अधिकाऱ्यांना निर्माण झालेल्या अडचणींचीही माहिती घेण्यात आली आहे. याबाबत वरिष्ठ अधिकाऱ्यांशी चर्चा करून ती समस्या सोडविली जाईल, असे विरोधी गटनेते मुज्जमील डोणी यांनी सांगितले. पाणी तसेच पथदीप आणि गटारी यांची समस्या यावेळी मांडण्यात आली. तर काही ठिकाणी ड्रेनेजचे पाणी रस्त्यावरून वाहत आहे. त्याबाबतही चर्चा करण्यात आली. ती समस्या सोडविण्यासाठी संबंधित विभागाच्या अधिकाऱ्यांना सूचना केली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
