रहस्यांनी भरलेल्या वस्ती चा शोध

अमेरिकेचा इतिहास रहस्यांनी भरलेला आहे. तेथे वैज्ञानिकांनी 14 हजार वर्षे जुन्या एका वस्तीचा शोध लावला आहे. हा शोध ब्रिटिश कोलंबियाच्या सेंट्रल कोस्टच्या ट्रायकेट बेटावर लावण्यात आला आहे. हा शोध अमेरिकेच्या रहस्यांची उकल करण्यास सक्षम आहे. ही वस्ती कॅनडामध्ये समुद्रकिनाऱ्यावर उत्खननात सापडली आहे.  संबंधित स्थळी हकाई इन्स्टीट्यूट, व्हिक्टोरिया विद्यापीठ आणि स्थानिक फर्स्ट नेशन्सच्या पुरातत्व तज्ञांच्या पथकांनी उत्खनन केले आहे. येथील उत्खननात लाकडी कोळसा, प्राण्यांना मारण्यासाठीचे अस्त्र, सागरी जीवांची शिकार करण्यासाठी वापरला जाणारा भाला आणि हँड ड्रिलचे अवशेष मिळाले आहेत. या वस्तीची स्थापना सुमारे 13,613 पासून 14,086 वर्षांपूर्वी झाली होती असा अनुमान आहे. याला अमेरिकेतील सर्वात जुन्या मानवी वस्तींपैकी एक मानले जात आहे. म्हणजेच ही वस्ती चाकाच्या शोधापूर्वी निर्माण झाली होती. तर गिझाच्या पिररॅमिडांपेक्षा तीनपट जुनी ही वस्ती आहे. अमेरिकन लोकांचा ब्रिटिश कोलंबियाशी आलेला संबंध समजून घेण्यास हा शोध मदत करणार आहे.