मोफसिल चषक स्पर्धेसाठी धारवाड संघाची घोषणा

बेळगाव : बेंगळूर येथे मोफसिल चषक आंतरझोन क्रिकेट स्पर्धेसाठी धारवाड विभागीय संभाव्य खेळाडूंची घोषणा करण्यात आली असून या संघात बेळगावच्या तीन खेळाडूंचा समावेश आहे. नुकत्याच आंतर जिल्हा क्रिकेट स्पर्धेत चमक दाखविलेल्या खेळाडूंचा बेंगळूर येथे होणाऱ्या मोफसिल चषक आंतर विभागीय क्रिकेट स्पर्धेसाठी धारवाड विभागीय संघाची 15 खेळाडूंची संभाव्य यादी जाहीर करण्यात आली आहे. त्यामध्ये रोहितकुमार ए. सी. कर्णधार, चिराग नायक उपकर्णधार, रोहन यारीसीमी, सुदनवा कुलकर्णी, राजेंद्र दनगण्णावर, ध्रुव नाईक, सुदीप सातेरी, ओंमकार वेर्णेकर, कृष्णप्पा बागडी, समयक पाटील, प्रियरंजन, आदर्श हिरेमठ, स्वयम अपण्णावर, मुदस्सर नजर, अनिलगौडा पाटील आदी खेळाडूंचा या संघात समावेश करण्यात आला आहे, अशी माहिती धारवाड विभागीय क्रिकेट संघटनेचे समन्वयक निखिल बुशद यांनी कळविले आहे.