कर्नाटका भवन बेंगळूर येथे सत्कार
बेळगाव : कोरिया येथे सप्टेंबर महिन्यात होणाऱ्या एशियन रोलर स्केटिंग स्पर्धेत भारतीय संघात निवड झालेल्या बेळगांव जिल्हा रोलर स्केटिंग संघटनेचा स्केटर देवेन बामणेचा कर्नाटक रोलर स्केटिंग संघटनेतर्फे सत्कार करण्यात आला. कर्नाटक राज्याचे क्रीडा अधिकारी चेतन आर. यांच्या हस्ते त्याचा सत्कार करण्यात आला. यावेळी देवेनला भारतीय संघामध्ये निवड झाल्याबद्दल त्याचे अभिनंदन करत पुढील वाटचालीस शुभेच्छा दिल्या. देवन बामणेचा सत्कार बेंगळूर येथील क्रीडा भवन येथे पार पडला. यावेळी कर्नाटक रोलर स्केटिंग असोसिएशनचे जनरल सेक्रेटरी इंदूधर सीताराम, देवेनचे वडील विनोद बामणे, आई ज्योती बामणे, कर्नाटक रोलर स्केटिंगचे इतर स्केटर्स व पदाधिकारी उपस्थित होते.
