ऑनलाईन टीम / तरुण भारत :
मोरोक्कोमध्ये आज पहाटे पावणेचारच्या सुमारास (भारतीय वेळेनुसार) विनाशकारी भूकंप झाला. 6.8 रिश्टर स्केलचा हा भूकंप होता. भूकंपाचे तीव्र धक्के बसल्याने मोराक्कोतील अनेक इमारती जमीनदोस्त झाल्या. या दुर्घटनेत 632 निष्पापांचा बळी गेला असून, 329 जण जखमी आहेत.
अमेरिकेच्या जिऑलॉजिकल सर्व्हेनेनुसार, मोरोक्कोत आलेला हा भूकंप शंभर वर्षातील सर्वात मोठा भूकंप होता. हा भूकंप माराकेशच्या नैऋत्येस 71 किलोमीटर अंतरावर 18.5 किलोमीटर खोलीवर आला. मोराक्कोतील इतर शहरांमध्येही या भूकंपाचे धक्के जाणवले. अनेक नागरिक अंगावरील कपडय़ानिशी रस्त्यावर आले होते. तीव्रतेच्या धक्क्यांमुळे अनेक इमारती जमीनदोस्त झाल्या. यात 632 जणांचा मृत्यू झाला आहे. तर शेकडो जखमी आहेत. भूकंपाचे थरकाप उडवणारे व्हिडिओ समोर आले आहेत. आफ्रिकन आणि युरेशियन प्लेट्सवर असल्याने मोरोक्कोच्या उत्तरेकडील प्रदेशात वारंवार भूकंप होतात. 1960 मध्ये, मोरोक्कन शहर अगादीरजवळ 5.8 तीव्रतेचा भूकंप झाला होता, ज्यामध्ये हजारो लोकांचा मृत्यू झाला होता.
दरम्यान, मोराक्कोतील भूकंपामुळे झालेल्या जीवितहानीबद्दल पंतप्रधान नरेंद्र मोदी यांनी दु:ख व्यक्त केले आहे. या दुःखद क्षणांमध्ये मी मोरोक्कोच्या लोकांसोबत आहे. ज्या नागरिकांनी आपल्या प्रियजनांना गमावले आहे, त्यांच्याबद्दल शोक व्यक्त करतो. जखमी लवकरात लवकर बरे व्हावेत. या कठीण काळात मोरोक्कोला शक्य ती सर्व मदत देण्यासाठी भारत तत्पर आहे, असे मोदींनी म्हटले आहे. असं मत भारताचे प्रंतप्रधान नरेंद्र मोदी यांनी व्यक्त केलं.
Extremely pained by the loss of lives due to an earthquake in Morocco. In this tragic hour, my thoughts are with the people of Morocco. Condolences to those who have lost their loved ones. May the injured recover at the earliest. India is ready to offer all possible assistance to…
— Narendra Modi (@narendramodi) September 9, 2023
