बेळगाव : देवगिरी गावानजीक बेकायदेशीररित्या दारू विक्री करणाऱ्या एकाला सोमवार दि. 30 रोजी काकती पोलिसांनी अटक केली आहे. जोमा सुरेश पाटील (वय 24) रा. पाटील गल्ली देवगिरी असे त्याचे नाव असून त्याच्याकडून 8280 रुपये किमतीचे 90 एमएलचे 159 टेट्रापॅक जप्त करण्यात आले. याप्रकरणी काकती पोलीस स्थानकात गुन्हा दाखल झाला आहे. देवगिरीनजीक एक जण बेकायदा दारू विक्री करीत आहे, अशी माहिती काकतीचे पोलीस निरीक्षक सुरेश शिंगी यांना मिळाली होती. त्यानुसार त्यांच्या मार्गदर्शनाखाली पोलीस उपनिरीक्षक मृत्युंजय मठद व त्यांच्या सहकाऱ्यांनी सापळा रचून वरील ठिकाणी छापा टाकत आरोपीला अटक केली. त्यावेळी त्याच्याकडे 90 एमएलचे 159 टेट्रापॅक आढळून आले. त्या दारूची अंदाजे किंमत 8280 रुपये इतकी आहे. संशयिताविरोधात अबकारी कायद्याअंतर्गत गुन्हा दाखल करण्यात आला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
