लोककल्प-केएलई डेंटल हॉस्पिटलतर्फे कापोली येथे दंतचिकित्सा शिबिर

बेळगाव : लोककल्प फौंडेशन व केएलई डेंटल हॉस्पिटल यांच्या संयुक्त विद्यमाने खानापूर तालुक्यातील कापोली गावात दंतचिकित्सा शिबिर घेण्यात आले. यावेळी सरकारी शाळेतील विद्यार्थ्यांसह 72 रुग्णांची दंत तपासणी करण्यात आली. यावेळी दातांचे आरोग्य कसे राखावे, याबरोबरच आरोग्याबाबतही मार्गदर्शन करण्यात आले. लोककल्प फौंडेशनचे स्वयंसेवक व केएलई डेंटल हॉस्पिटलच्या कर्मचाऱ्यांनी हे शिबिर यशस्वी केले. याप्रसंगी अनेक नागरिकही उपस्थित होते.