राज्य ग्राहक आयोगाचे कार्यालय सुरू करण्याची मंत्र्यांकडे मागणी

बेळगाव : बेळगावमध्ये राज्य ग्राहक आयोगाचे कार्यालय सुरू करावे, अशी मागणी अन्न व नागरीपुरवठा मंत्री के. एच. मुनियप्पा व सेक्रेटरी टी. एच. कुमार यांच्याकडे करण्यात आली. सुवर्ण विधानसौध परिसरात त्यांची भेट घेऊन राज्य ग्राहक आयोग बेळगावमध्ये स्थापन करण्याची गरज का आहे? याविषयी त्यांना माहिती देण्यात आली. मंत्री के. एच. मुनियप्पा यांनी बेळगावच्या नागरिकांची बाजू ऐकून घेत सकारात्मक प्रतिसाद दिला. यावेळी अॅड. एन. आर. लातूर, विनोद पाटील, निंगाप्पा मेस्त्राr, एम. एफ. गोवनकोप्प, सुरेश कांबळे, अॅड. अनंत बॅकोड यांच्यासह इतर उपस्थित होते.