बेळगाव : चन्नम्मा चौकातील ‘तो’ धोकादायक खड्डा बुजविण्याची मागणी वाहनधारकांतून केली जात आहे. घालण्यात आलेले पेव्हर्स उखडले गेल्याने रस्त्यावरून ये-जा करणाऱ्या वाहनांना याचा अडथळा निर्माण होत असून, अपघाताला निमंत्रण ठरत आहे. चन्नमा चौकातील कन्नड साहित्य भवनसमोर असणाऱ्या बागायत खात्याच्या कार्यालयाकडे वळणाऱ्या रस्त्यावर हा धोकादायक खड्डा निर्माण झाला आहे. चौकाच्या सौंदर्यीकरणासाठी पेव्हर्स घालून रस्ता निर्माण करण्यात आला आहे. मात्र मोक्याच्या ठिकाणीच पेव्हर्स उखडल्याने ते वाहनधारकांसाठी धोकादायक ठरत आहेत. रात्रीच्यावेळी वाहन चालविणाऱ्यांना उखडलेले पेव्हर्स निदर्शनास येत नसल्याने किरकोळ अपघाताच्या घटना घडत आहेत. जलवाहिनीच्या दुरुस्तीसाठी पेव्हर्स काढण्यात आले होते. मात्र ते व्यवस्थितरित्या न बसविता तसेच सोडण्यात आले आहेत. यामुळे वाहनधारकांसाठी हे धोकादायक ठरत आहे. याची दुरुस्ती करण्यात यावी व धोका दूर करावा, अशी मागणी केली जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
