बेळगाव : बिहार राज्यातील बोधगया येथे महाबोधी मंदिराच्या व्यवस्थापन कमिटीमध्ये बुद्धिस्ट नसलेले तसेच काही राजकीय विचाराने प्रभावित झालेल्या व्यक्तींचा समावेश करण्यात आला आहे. यामुळे बुद्धीझम व महाबोधी मंदिराला धोका निर्माण झाला असून, या कमिटीत चांगल्या बुद्धिस्ट व्यक्तींची नेमणूक करावी, अशी मागणी भारतरत्न डॉ. बाबासाहेब आंबेडकर एससी-एसटी संघाच्यावतीने सोमवारी जिल्हाधिकाऱ्यांना करण्यात आली. बेळगाव परिसरात मोठ्या प्रमाणात अनुसूचित जाती-जमातीच्या व्यक्ती राहतात. बोधगया येथील महाबोधी मंदिराला शेकडो वर्षांचा इतिहास आहे. सम्राट अशोकाच्या काळात सदर मंदिर निर्माण करण्यात आले आहे. परंतु, सध्या मंदिराच्या व्यवस्थापन कमिटीमध्ये समाविष्ट व्यक्तींकडून मंदिराच्या ऐतिहासिक वारशाला बाधा पोहोचेल, असे कार्य सुरू आहे. त्यामुळे बेकायदेशीर कामे थांबवून महाबोधी मंदिराचे पावित्र्य राखा, अशी मागणी निवेदनाद्वारे करण्यात आली. यावेळी संघटनेचे पदाधिकारी तसेच अनुसूचित जाती-जमातीतील सदस्य उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
