प्रियांशू राजावतचा पराभव

सिंगापूर : भारताचा उदयोन्मुख बॅडमिंटनपटू प्रियांशू राजावतची सिंगापूर मास्टर्स सुपर 750 बॅडमिंटन स्पर्धेमधील स्वप्नवत घोडदौड उपउपांत्यपूर्व फेरीत संपुष्टात आली. जपानच्या तिसऱ्या मानांकित कोदाय नाराओकाने त्याचा पराभव केला. बिगरमानांकित प्रियांशूने पहिल्या फेरीत जागतिक पाचव्या मानांकित कांता त्सुनेयामाला पराभवाचा धक्का दिला होता. पण नाराओकाने त्याला 21-17, 21-16 असे नमवित त्याची घोडदौड रोखली. चौथ्या मानांकित नाराओकाने पहिल्या फेरीत एचएस प्रणॉयला हरविले होते. पुरुष दुहेरीत एमआर अर्जुन व ध्रुव कपिला यांनाही पराभव स्वीकारावा लागला. इंग्लंडच्या बेन लेन व सीन व्हेन्डी यांनी त्यांचा 21-15, 21-19 असा पराभव केला. किदाम्बी श्रीकांत हा भारताचा एकमेव खेळाडू एकेरीत बाकी असून त्याची शेवटच्या सोळा फेरीतील लढत तैपेईच्या चिया हाओ ली याच्याशी होणार आहे. श्रीकांतने पहिल्या फेरीत थायलंडच्या कांताफोन वांगचारोनचा पराभव केला होता.