फेसबूकवर अज्ञाताकडून बदनामीकारक मजकूर प्रसिद्ध
सावंतवाडी प्रतिनिधी
सावंतवाडीचे माजी नगरसेवक विलास जाधव यांचे फेसबुक अकाउंट हॅक करून अज्ञातांकडून त्या अकाउंट वरून बदनामीकारक मजकूर प्रसिद्ध करण्यात येत आहे. याबाबत संबंधिता विरोधात पोलीस ठाण्यात तक्रार दाखल करणार असल्याचे जाधव यांनी यांनी सांगितले.
माजी नगरसेवक विलास जाधव यांच्या फेसबुक अकाउंट वरून बदनामीकारक पोस्ट येत आहेत, असे त्यांच्या मित्रांकडून त्यांना रात्री फोन करून सांगण्यात आले. त्यानंतर त्यांच्या लक्षात आलं की आपलं फेसबुक अकाउंट कोणीतरी हॅक केले आहे. त्यामुळे त्यांनी सर्वांना आपलं फेसबुक अकाउंट हॅक झाल्याच सांगितल. तसेच आपण अज्ञाता विरोधात तक्रार देणार असल्याचे देखील जाधव यांनी सांगितले.
