शिवप्रतिष्ठान हिंदुस्थानतर्फे दीपोत्सव

बेळगाव : धर्मवीर संभाजी चौक येथे शिवप्रतिष्ठान हिंदुस्थान व शिवभक्तांच्यावतीने दिवाळीनिमित्त दीपोत्सव साजरा करण्यात आला. हिंदू धर्माला सण-उत्सवांची परंपरा आहे. याचाच एक भाग म्हणून दीपोत्सव साजरा झाला. यावेळी प्रेरणा मंत्र म्हणून धर्मवीर श्री संभाजी महाराजांच्या मूर्तीला दुग्धाभिषेक, जलाभिषेक आणि अभ्यंगस्नान घालून पुष्पहार अर्पण करण्यात आला. त्यानंतर आरती म्हणण्यात आली. ध्येयमंत्र म्हणून मिठाईचे वाटप करण्यात आले. यावेळी अमोल केसरकर, दिगंबर कातकर, अतुल केसरकर, संतोष कुसाणे, अजित बांदेकर, गजानन निलजकर, जोतिबा चोपडे, शुभम मोरे, समीर सुतार, ओम तळवार, प्रवीण घागवे, संदीप बडवाण्णाचे, कल्लाप्पा रेडेकर, राजू जाधव यासह कार्यकर्ते, शिवभक्त उपस्थित होते.