फातोर्डा : रोटरी इंटरनॅशनलच्या प्रांत 3170 तर्फे दत्ता (रवी) पै रायतूरकर यांचा रोटरी क्लब ऑफ मडगावचे सक्रिय सदस्य म्हणून गेली 60 वर्षे प्रामाणिकपणे आणि नि:स्वार्थीपणे दिलेल्या योगदानाबद्दल आणि समाजाच्या केलेल्या सेवेबद्दल प्रशस्तीपत्र देऊन नुकताच सत्कार करण्यात आला. मडगावातील प्रख्यात व्यापारी असलेले रायतूरकर हे गोव्यातील रोटरीचे सर्वांत पहिले सदस्य आहेत. ते रोटरी क्लब ऑफ मडगावच्या पहिल्या सदस्यांपैकी एक असून फेब्रुवारी, 1963 पासून सक्रिय सदस्य राहिलेले आहेत. 1972-73 मध्ये ते रोटरी क्लब ऑफ मडगावचे अध्यक्ष होते. रोटरी इंटरनॅशनलच्या प्रांत 3170 चे माजी प्रांतपाल गौरीश धोंड यांच्या हस्ते रोटरी क्लब ऑफ मडगावचे अध्यक्ष दीप कारापूरकर यांच्या उपस्थितीत रोटरी कम्युनिटी हॉल, मडगाव येथे त्यांना प्रशस्तीपत्र प्रदान करण्यात आले. यावेळी रोटरी क्लब ऑफ मडगाव तसेच रोटरी क्लब ऑफ पणजीचे सदस्य उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
