कलंबिस्त येथे आजपासून दशावतार नाट्य महोत्सव

सावंतवाडी । प्रतिनिधी

सावंतवाडी तालुक्यातील कलंबिस्त येथे महाशिवरात्र उत्सवानिमित्त दरवर्षीप्रमाणे यंदाही हनुमान दशावतार नाट्य मंडळ व कलंबिस्त ग्रामस्थ ,श्री लिंगेश्वर मंदिर देवस्थान गावकर मंडळी यांच्या वतीने तसेच माजी शिक्षणमंत्री तथा आमदार दीपक केसरकर यांच्या सहकार्याने येत्या 22 ते 26 फेब्रुवारी या कालावधीत दशावतार नाट्य महोत्सवाचे आयोजन करण्यात आले आहे. सायंकाळी ७ ते रात्री १० या वेळेत कलंबिस्त लिंगेश्वर मंदिर येथे हा नाट्य महोत्सव होणार आहे. या महोत्सवात जिल्ह्यातील नामवंत दशावतार नाट्य मंडळांची नाटके होणार आहेत . सर्वानी महोत्सवाला उपस्थित राहावे असे आवाहन हनुमान दशावतार नाट्य मंडळ व ज्येष्ठ ग्रामस्थ रमेश सावंत यांनी केले आहे .