बेळगाव : खानापूर रोडवरील गोवावेस सर्कल येथील पंचवटी मंदिरसमोर ड्रेनेजचे झाकण नादुरुस्त होऊन आठ दिवस उलटले आहेत. मात्र, मनपाकडून सदर धोकादायक झाकणाची दुरुस्ती केली नाही. त्यामुळे पादचारी, वाहनचालकांना जीव मुठीत धरून रस्त्यावरून ये-जा करण्याची वेळ आली आहे. शहर आणि उपनगरातील ड्रेनेजच्या धोकादायक झाकणांच्या दुरुस्तीकडे महानगरपालिकेने दुर्लक्ष केले आहे. दिवसा तसेच रात्रीच्या वेळी धोकादायक झाकणांचा अंदाज येत नसल्याने पादचारी व वाहनचालकांना मोठा धोका निर्माण झाला आहे. खानापूर रोडवरील गोवावेस येथील पंचवटी मंदिरसमोर धोकादायक चेंबरच्या झाकणाकडे मात्र दुर्लक्ष केल्याने आश्चर्य व्यक्त करण्यात येत आहे. झाकण दुरुस्त करण्यात न आल्याने परिसरात दुर्गंधी पसरली आहे. मंदिराला येणाऱ्या भक्तांनादेखील याचा नाहक त्रास सहन करावा लागत आहे. धोकादायक ड्रेनेज झाकणाच्या भोवती दगड आणि विटा ठेवण्यात आल्या आहेत. याकडे महापालिकेने लक्ष घालून धोकादायक झाकण दुरुस्त करावे, अशी मागणी केली जात आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
